Peruda Covid-19 məhdudiyyətləri tamamilə ləğv edildi

Cənubi Amerika ölkəsi Peruda təxminən 2 il əvvəl elan edilən fövqəladə vəziyyət ləğv edilib.

Busaat.az xəbər verir ki, bu barədə Peru Nazirlər Şurasının iclasından sonra açıqlama verilib.

Açıqlamada Peruda son vaxtlar yoluxmanın əhəmiyyətli dərəcədə azaldığı, 2020-ci ilin mart ayından etibarən qüvvədə olan fövqəladə vəziyyətin ləğv edildiyi bildirilib.

Bəyanatda gündəlik yoluxma hallarının azalması ilə yanaşı, peyvənd kampaniyasının uğurlu keçməsi qeyd edilib və ölkə daxilində bütün məhdudiyyətlərin rəsmən aradan qaldırıldığı bildirilib.

Səhiyyə Nazirliyinin son məlumatlarına görə, Peruda indiyədək 4 milyon 153 min 605 nəfər Covid-19-a yoluxub, 216 min 884 nəfər isə virusdan dünyasını dəyişib.

Busaat.az