Rusiya prezidenti Vladimir Putinin Şimali Koreyaya səfərinin təfərrüatları üzərində iş gedir, lakin hələ ki, dəqiq tarix yoxdur.
Busaat.az xəbər verir ki, bu barədə Kremlin mətbuat katibi Dmitri Peskov deyib.
“Dəvət var. Təbii ki, işlənib hazırlanacaq. Lakin bütün digər nüanslar diplomatik kanallarla razılaşdırılacaq. Hələ dəqiq tarixlər yoxdur”, – Kreml sözçüsü bildirib.
Xatırladaq ki, Şimali Koreya lideri Kim Çen In sentyabrın 12-17-də Rusiyaya səfər edib və Rusiyanın Uzaq Şərq Amur bölgəsindəki “Vostochnıy” kosmodromunda Putinlə danışıqlar aparıb. Bundan sonra Peskov Putinin Kimin ölkəyə səfər dəvətini minnətdarlıqla qəbul etdiyini bildirib.
