
Petr Pavel Çexiya prezidenti kimi and içib
Petr Pavel cümə axşamı Çexiya prezidenti vəzifəsinin icrasına başlayıb.
Busaat.az xəbər verir ki, Prezidentin inauqurasiya mərasimi Praqa qəsrinin Vladislav zalında keçirilib.
Andiçmə mərasimi yerli vaxtla saat 14:00-da başlayıb. Çex Televiziyası tərəfindən canlı yayımlanıb.
Təqaüddə olan ordu generalı Pavel şənbə günü başa çatan Çexiya prezident seçkilərində 41,67% səs toplayan rəqibi Andrey Babisi qabaqlayaraq 58,32% səslə xalqın rəğbətini qazanıb.























