Dünyanın ən varlı adamlarının yeni reytinq cədvəli dərc edilib.
Busaat.az xəbər verir ki, bu barədə “Bloomberg” məlumat yayıb.
Siyahıya 242 milyard dollar sərvətlə Telsa şirkətinin yaradıcısı və Twitter-in sahibi, İlon Mask başçılıq edir ki, bu da ilin əvvəlindən 105 milyard dollar çoxdur.
İkinci yerdə yeganə avropalı Bernard Arno qərarlaşıb. Onun sərvəti ilin əvvəlindən 36,1 milyard dollar artaraq, 198 milyard dollar təşkil edib.
74 yaşlı Arno 70-ə yaxın məşhur moda və kosmetika brendini birləşdirən dünyanın ən böyük lüks mallar şirkəti Moet Hennessy Louis Vuittonun (LVMH) baş direktorudur.
Üçüncü yerdə 157 milyard dollarla Amazon qurucusu Ceff Bezos qərarlaşıb. İlin əvvəlindən onun sərvəti 49,9 milyard dollar artıb.
Bill Qeytsin sərvəti ilin əvvəlindən 26,9 milyard dollar artaraq 136 milyard dollar sərvətlə təşkil edib.
Siyahının ilk beşliyini 131 milyard dollar sərvətlə Oracle-ın yaradıcısı Larri Ellison tamamlayır.
Ümumilikdə, planetin ən varlı on adamı bu ilin əvvəlindən 443,2 milyard dollar qazanıb.
Busaat.az
