Polis “Sabah Avrupa” qəzetinin ofisinə basqın etdi: Jurnalistlər saxlanıldı

Alman polisi “Sabah” qəzetinin Avropa xəbər mərkəzinin Frankfurt ofisinə basqın edib.

Busaat.az Türkiyə mediasına istinadən xəbər verir ki, alman polisi Avropa xəbər mərkəzinin yerləşdiyi “Sabah” qəzetinin Frankfurt ofisinə basqın edərək, Almaniya təmsilçisi İsmail Erel və Xəbər direktoru Cəmil Albayı saxlayıb.

“Sabah” qəzetinin mənbələrindən alınan məlumata görə, alman polisi İsmail Erel və Cəmil Albayın evlərində və “Sabah” qəzetinin Avropa bürosunda axtarış aparıb, kompüter və telefonları müsadirə edib.

Bildirilib ki, reydin məqsədi ilə bağlı hələlik kifayət qədər məlumat yoxdur.

İki jurnalistin azadlığa buraxılması üçün Türkiyə Xarici İşlər Nazirliyi və peşəkar təşkilatların müdaxilə etdiyi öyrənilib.

Busaat.az