Polşa Belarusla sərhəddə əlavə qoşun göndərilməsini davam etdirəcək.
Busaat.az xəbər verir ki, bu barədə Polşanın müdafiə naziri Mariuş Blaşçak məlumat verib.
“Polşa hökuməti təhlükəsizliyin təmin edilməsi üçün çox işlər görür. Amma təxribatlar göstərir ki, təcavüzkarı dayandırmaq, təxribatların qarşısını almaq üçün hərbi mövcudluğun daha da gücləndirilməsi lazımdır”, – Blaşçak bildirib.
Silahlı Qüvvələrin Baş Qərargah rəisinin müavini Marek Sokolovski sərhədə iki briqadanın helikopterlərinin yerləşdirildiyini bildirib.
Onun sözlərinə görə, onlar “təhlükəli bir şey olarsa” silahdan istifadə etməyə hazırdırlar.
Qeyd edək ki, Polşa Xarici İşlər Nazirliyi iki Belarus helikopterinin ölkənin hava məkanını pozmaqda ittiham edib, bundan sonra sərhəddə qoşunların artırılması barədə göstəriş verilib.
Busaat.az
