Polşa Rusiyanı terrorizmi dəstəkləyən ölkə kimi tanıdı

Polşa parlamentinin aşağı palatası (Seym) Rusiyanı terrorizmi dəstəkləyən ölkə kimi tanıyan qətnamə qəbul edib.

Busaat.az xəbər verir ki, qətnamənin lehinə 231 deputat səs verib, 226 deputat isə səsvermədə iştirak etməyib.

“Polşa Respublikasının Seymi Rusiyanı terrorizmi dəstəkləyən və terror üsullarından istifadə edən dövlət kimi tanıyır” – deyə, sənədin mətnində qeyd edilib.

Qətnamənin mətnində qeyd olunur ki, 2014-cü ilin iyulunda Malayziya Hava Yollarına məxsus MH17 reysi ilə qəzaya uğrayan və 2010-cu ilin aprelində Smolensk yaxınlığında Polşa hökumətinə məxsus təyyarənin qəzaya uğramasına görə birbaşa Rusiya məsuliyyət daşıyır.

Busaat.az