Polşa və Litva Belarusla sərhədləri tamamilə bağlaya bilər - Mariuş Kaminski

Polşanın daxili işlər naziri Mariuş Kaminski litvalı həmkarı Aqne Bilotaite ilə telefon danışığı zamanı Belarusla sərhədlərin tamamilə bağlanması imkanlarını müzakirə edib.

Busaat.az xəbər verir ki, o, bu barədə X (Twitter) sosial şəbəkəsində yazıb.

“Litvalı həmkarım Agne Bilotaite ilə telefon danışığında biz bütün sərhəd keçidlərinin mümkün bağlanmasına və Aleksandr Lukaşenko rejiminin tamamilə təcrid edilməsinə qədər yaranan təhdidlərə birgə cavab variantlarını müzakirə etdik”, – Kaminski bildirib.

Qeyd edək ki, bundan əvvəl Kaminski qeyd etmişdi  ki, “Vaqner” şirkəti ilə bağlı Avropa İttifaqı və NATO sərhədlərində ciddi insidentlər baş verərsə, Polşa, Litva və Latviya Belarusu tamamilə təcrid edə bilər.

Busaat.az