Polşa və Macarıstan Ukraynadan ərzaq ixracına qadağa qoydu

Polşa və Macarıstan yerli məhsullarını qorumaq və təşviq üçün Ukraynadan taxıl və digər ərzaq məhsullarının ticarətini qadağan etdiklərini açıqlayıb.

Rusiyanın Ukraynaya təcavüzündən sonra, Ukraynadan gələn taxıl kimi ərzaq məhsullarının çoxunun daşınması logistik problemlər səbəbindən bir sıra çətinliklərlə üzləşib.

Bu, həmin ölkələrdə yerli istehsalçıların da çətinliklərlə üzləşməsinə səbəb olur.

Eyni zamanda, Ukraynadan gələn məhsulların əksəriyyəti Aİ ölkələrinin məhsullarından daha ucuzdur. Belə bir vəziyyətdə Polşa və Macarıstan yerli məhsullarını qorumaq və təşviq üçün Ukraynadan taxıl və digər ərzaq məhsullarının ticarətini qadağan etdiklərini açıqlayıb.

Avropa Komissiyası isə yazılı açıqlamasında, üzvlərinin ticarətlə bağlı birtərəfli qərar qəbul etmələrinin qəbuledilməz olduğunu bildirib.

Busaat.az xarici mediaya istinadən xəbər verir ki, Polşanın İnkişaf və Texnologiya naziri Valdemar Buda bu qadağanın ölkədən tranzitlə keçən məhsullara da şamil ediləcəyini açıqlayıb.

Buda həmçinin bəyan edib ki, Ukrayna məhsullarının yerli bazarda ilişib qalmaması üçün həmin tərəflə danışıqlar aparılacaq.

Polşa sözügedən qadağanı elan etdikdən sonra Ukrayna bu qərarın ikitərəfli razılaşmaları pozduğunu bildirib. Hər iki tərəf arasında danışıqların bazar ertəsi başlayacağı gözlənilir.

Busaat.az