Polşada Rusiyaya casusluqda şübhəli bilinən 9 nəfər saxlanılıb

Polşada 9 nəfər Ukraynaya silah daşımaq üçün istifadə edilən dəmir yolunu izləmək və təxribat aksiyaları hazırlamaq ittihamı ilə saxlanılıb.

Busaat.az xəbər verir ki, bu barədə Polşanın daxili işlər naziri Mariuş Kaminski açıqlamasında bildirib.

Onun sözlərinə görə, Daxili Təhlükəsizlik Xidməti Rusiyaya casusluq etməkdə şübhəli bilinən 9 nəfəri saxlayıb.

Kaminski bildirib ki, şübhəlilər Ukraynaya texnika, silah və yardımın çatdırılmasını iflic etməyə yönəlmiş təxribat hərəkətləri hazırlayıblar.

Şübhəlilərdən Ukraynaya yardım aparan nəqliyyat vasitələrinə yerləşdirməyi planlaşdırdıqları kameralar, elektron cihazlar və GPS ötürücülərinin müsadirə edildiyini qeyd edən Kaminski istintaqın davam etdiyini bildirib.

Busaat.az