Polşa Mərkəzi Bankı ölkədə yaşanan yüksək inflyasiya üçün Rusiyanı və Covid-19 epidemiyasını günahlandırıb.
Busaat.az-ın xarici mətbuata istinadən məlumata görə, həmçinin qeyd olunub ki, Mərkəzi Bankı və hökuməti inflyasiyaya görə məsul göstərmək Kremlin ritorikasıdır.
Polşa Mərkəzi Bankının rəhbəri Adam Qlapinski bazar ertəsi keçirdiyi mətbuat konfransında aprel ayı üçün inflyasiya səviyyəsini 14,7 faiz olaraq açıqlayıb.
Qlapinski çıxışında deyib: “Kimsə yüksək inflyasiyaya etiraz etmək istəyirsə, Rusiya səfirliyinə, pandemiyanın Çindən qaynaqlandığını düşünürsə, Çin səfirliyinə getsin”.
Qlapinski inflyasiyanın artmasının Polşa Mərkəzi Bankının yanlış siyasətlərindən qaynaqlandığı iddialarını cəfəngiyyat adlandırıb.
Busaat.az
