Portuqaliya, İspaniya və Fransa arasında yaşıl enerji koridoru qurulacaq

 Portuqaliya, İspaniya və Fransa arasında yaşıl enerjinin keçməsini təmin edən bir koridor qurulması üçün razılıq əldə olunub.

Busaat.az xəbər verir ki, bu barədə İspaniya Baş naziri Pedro Sançez məlumat verib.

“İspaniya, Portuqaliya və Fransa hökumətlərinin MidCat layihəsini yeni bir layihə ilə dəyişdirmək üçün bir anlaşma var. İberiya yarımadasını Fransa və Aİ-nin geri qalanına bağlayacaq yaşıl bir enerji koridoru quracağıq” –deyə, Sençez mediaya açıqlamasında bildirib.

Məlumata görə, enerji koridorunun detalları 8-9 Dekabr tarixlərində İspaniyanın Alicante şəhərində keçiriləcək EuroMed toplantısında bəlli olacaq. Üç ölkənin razılığa gəldiyi yeni layihə çərçivəsində Barselona və Marsiliya arasında yaşıl enerji xətti yaradılması nəzərdə tutulub.

Qeyd edək ki, İspaniya 2019-cu ildə dayandırdğı MidCat layihəsinin yenidən aktiv edilməsi üçün müxtəlif cəhdlər etsə də Fransanı razı sala bilməyib.

Busaat.az