“Putin birliyimizin ilk sınaqda dağılacağına inanırdı” - Bayden

“Ukrayna ilə bağlı öhdəliyimiz zəifləməyəcək, biz bu gün, sabah, nə qədər lazımdırsa, azadlığı müdafiə edəcəyik”.

Busaat.az xəbər verir ki, bu barədə NATO sammitindən sonra Vilnüs Universitetinin həyətində çıxış edən ABŞ prezidenti Co Bayden bildirib.

“ABŞ Ukraynanın həm indi, həm də gələcəkdə özünü müdafiə etməsini təmin etmək üçün 50-dən çox ştatdan ibarət koalisiya yaradıb”, –  Bayden deyib.

Ukrayna münaqişəsi ədalətli şərtlərlə həll edilməlidir. “Suverenlik, ərazi bütövlüyü bunlar xalqlar arasında dinc münasibətlərin dayandığı iki sütundur”, – Bayden qeyd edib.

CNN xəbər verir ki, Bayden çıxışı zamanı bildirib ki, Rusiya prezidenti Vladimir Putin Rusiya qoşunlarının Ukraynaya müdaxiləsindən sonra NATO-nun dağılacağını gözləyirdi. Putin “birliyimizin ilk sınaqda dağılacağına” və “demokratik liderlərin zəif olacağına” inanırdı. “Lakin o, səhv etdi”.

Qeyd edək ki, iyulun 11-12-də Vilnüsdə NATO-nun sammiti keçirilib. NATO ölkələri Ukraynaya hərbi-siyasi alyansa sürətlə daxil olacağına söz veriblər, lakin bunu nə zaman baş verə biləcəyi barədə dəqiq tarix açıqlanmayıb.

Busaat.az