NATO-nun baş katibi Yens Stoltenberq bildirib ki, Rusiya prezidenti bu gün “daha böyük müharibələrə hazırlaşdığını açıq şəkildə bəyan etdi”.
Busaat.az xəbər verir ki, bu barədə NATO-nun baş katibi Stoltenberq Dmitro Kuleba və Aİ-nin ali nümayəndəsi Josep Borrellə keçirdiyi mətbuat konfransında bildirib.
“Putin bu gün açıq şəkildə bildirdi ki, o, daha böyük müharibələrə hazırlaşır. Biz Ukraynanın qalib gəlməsi üçün onu lazım olan hər şeylə təmin etməliyik”, – deyə baş katib deyib.
Rusiyanın təcavüzkar olduğunu və heç kimin Rusiyaya hücum etmədiyini vurğulayan Stoltenberq Çinin “Rusiyanın müharibəsinə” dəstək verməyi planlaşdırdığını bildirib.
Stoltenberq bildirib ki, Ukraynaya vəd edilən silahlar təcili çatdırılmalıdır.
Busaat.az
