Putin-Ərdoğan danışıqlarında yüksək səviyyəli Rusiya və Türkiyə rəsmiləri iştirak edir
Rusiya prezidenti Vladimir Putinlə Türkiyə lideri Rəcəb Tayyib arasında danışıqlarda hər iki ölkənin müdafiə nazirləri Sergey Şoyqu və Yaşar Gülər, Rusiyanın xarici işlər naziri Sergey Lavrov və türkiyəli həmkarı Hakan Fidan da iştirak edir.
Busaat.az xəbər verir ki, bu barədə Kremlin saytı məlumat yayıb.
Mənbə bildirir ki, Rusiya nümayəndə heyətinin geniş dairəsinə baş nazirin müavini Aleksandr Novak, Kremlin mətbuat katibi Dmitri Peskov, prezidentin köməkçiləri Maksim Oreşkin və Yuri Uşakov, kənd təsərrüfatı naziri Dmitri Patruşev, Rusiya Mərkəzi Bankının rəhbəri Elvira Nabiullina daxildir. Rusiya Hərbi-Texniki Əməkdaşlıq üzrə Federal Xidmətin direktoru Dmitri Şuqayev, Rusiya Birbaşa İnvestisiya Fondunun (RDIF) rəhbəri Kirill Dmitriev və Rusiyanın Rosatom Dövlət Nüvə Enerjisi Korporasiyasının baş direktoru Aleksey Lixaçev də görüşə qatılıb.
Türkiyə nümayəndə heyəti 14 nəfərdən ibarətdir. Türkiyənin müdafiə və xarici işlər nazirləri ilə yanaşı, digərləri arasında enerji və təbii sərvətlər naziri Alparslan Bayraktar, maliyyə naziri Mehmet Şimşək, sənaye və texnologiya naziri Fatih Kacir, kənd təsərrüfatı və meşə təsərrüfatı naziri İbrahim Yumaklı, ticarət naziri Ömər də var. Milli Kəşfiyyat Təşkilatının direktoru İbrahim Kalın, Kommunikasiyalar İdarəsinin müdiri Fahrettin Altun, prezidentin müşavirləri Haluk Qorgun və Akif Çağatay Kılıç, Türkiyə Mərkəzi Bankının sədri Hafizə Qaye Erkan.
Danışıqlar Soçidəki “Rus” kurort kompleksində aparılır.
Qeyd edək ki, bu, Türkiyədə keçirilən prezident seçkiləri və Rusiyanın taxıl sazişindən çıxmasından sonra iki prezident arasında ilk görüşdür.
