Rusiya prezidenti Vladimir Putin “Cube” və “Lancet” pilotsuz uçan aparatlarının istehsalını artırmaq barədə göstəriş verib.
Busaat.az xəbər verir ki, o, bu barədə “Rostec” şirkətinin rəhbəri Sergey Çemezovla görüşündə bildirib.
Prezidentin sözlərinə görə, onlar özlərini çox effektiv göstəriblər.
“İstənilən texnika, o cümlədən xaricdə istehsal olunan avadanlıqlar nəinki yanır, həm də döyüş sursatı da partlayır. İstehsalçılar mənə söz verdilər ki, istehsalın həcmini artıracaqlar. Onlar bu vədlərinə əməl edirlər, lakin daha da artırılmalıdır”, – Putin deyib.
Çemezov prezidentə bu tapşırıq üzərində işləyəcəyinə söz verib.
“Rostec”rəhbərinin sözlərinə görə, hərbi helikopterlərin istehsalı iki dəfə artırılıb.
Qeyd edilib ki, Silahlı Qüvvələrin xüsusi əməliyyatda istifadə etdiyi texnikanın 90 faizini “Rostec” müəssisələri istehsal edir.
Busaat.az
