Putin Rusiyanın xarici siyasətinin yeni konsepsiyasını təsdiqləyib

Vladimir Putin Rusiyanın xarici siyasətinin yenilənmiş konsepsiyasını təsdiq edən fərman imzalayıb.

Busaat.az xəbər verir ki, bunu Putin Rusiya Federasiyası Təhlükəsizlik Şurasının daimi üzvləri ilə görüşündə bildirib.

Onun sözlərinə görə, yeni xarici siyasət konsepsiyası orta və uzunmüddətli perspektivdə əməli fəaliyyətlərin əsasını təşkil edəcək.

“Bu, orta və daha uzaq gələcəkdə əməli fəaliyyətlərimizin əsasını təşkil edəcək balanslaşdırılmış sənəd oldu”, –  prezident deyib.

Putin, eyni zamanda xarici siyasətin həyata keçirilməsində iştirak edən həmkarlarından konstruktiv fikirli tərəfdaşlarla əlaqələrin genişləndirilməsinə və qeyri-dost dövlətlərin Rusiyaya qarşı düşmənçilik siyasətindən əl çəkməsinə şərait yaratmağa xüsusi diqqət yetirməyi xahiş edib.

Busaat.az