Putin sanksiyalara qarşı qarşılıqlı tədbirləri 2025-ci ilin sonuna qədər uzadıb
Rusiya prezidenti Vladimir Putin Qərbin sanksiyalarına cavab olaraq konkret məhsulların idxal və ixracını məhdudlaşdıran prezident fərmanının müddətini 2025-ci ilin sonuna qədər uzadıb.
Busaat.az TASS-a istinadən xəbər verir ki, yeni sənəd Rusiya hökumətinin rəsmi saytında yerləşdirilib.
Xarici ticarətdə xüsusi iqtisadi tədbirlərin tətbiqi haqqında fərmanın əvvəlki variantı 2023-cü il dekabrın 31-dən qüvvəyə minib və indi isə müddəti 2025-ci il dekabrın 31-dək uzadılıb.
Fərman hökumət tərəfindən təsdiq edilmiş siyahıya uyğun olaraq konkret malların və xammalın (fiziki şəxslər tərəfindən şəxsi istifadə üçün daşıdığı mallar istisna olmaqla) idxal və ixracına məhdudiyyətlər tətbiq edir.
Xüsusilə, bu siyahıya əvvəllər Rusiyaya gətirilən texnoloji, telekommunikasiya və tibbi avadanlıqlar, həmçinin motorlu nəqliyyat vasitələri, kənd təsərrüfatı maşınları və elektrik avadanlıqları daxildir. Bəzi taxta-şalban növlərinin, gübrələrin, kimyəvi xammalların, taxıl bitkilərinin və digər məhsulların ixracı da məhdudlaşdırılıb.
Busaat.az
