Rusiya prezidenti Vladimir Putin rus ordusunun Ukraynada işğal etdiyi Xerson və Luqansk vilayətlərinə səfər edib.
Busaat.az xəbər verir ki, Kremldən verilən yazılı açıqlamaya görə, Putin Xerson şəhərinə gedib və “Dnepr” döyüş qrupunun qərargahını ziyarət edib.
Xerson və Zaporojye vilayətlərində vəziyyətlə bağlı məlumat alan Putin Luqansk vilayətinə gedib, buradakı “Vostok” döyüş qrupunun qərargahına baş çəkib, bölgədəki vəziyyətlə bağlı hərbi rəsmilərlə görüşüb.
Qeyd edək ki, 2022-ci il sentyabrın 30-da Kreml sarayında keçirilən mərasimdə Rusiya prezidenti Vladimir Putinin imzaladığı sənədlərlə Ukraynanın Donetsk, Luqansk, Zaporojye və Xerson vilayətləri qanunsuz olaraq ilhaq edilib.
Busaat.az
