Rusiya prezidenti Vladimir Putin Rusiyanın Ukraynada ələ keçirdiyi Xerson və Zaporojya bölgələrinin sözdə müstəqilliklərini tanıyan qərarnamə imzalayıb.
Busaat.az xəbər verir ki, bu barədə məlumatı Anadolu Ajansı xəbər agentliyi yayıb.
Daha əvvəl Kreml sözçüsü Dmitri Peskov adı gedən bölgələrin Rusiyaya qoşulması ilə bağlı 30 Sentyabr tarixində Kreml sarayında məclis qurulacağını bildirib. Rusiya Donetsk və Luqanskdakı seperatçı qüvvələrin müstəqilliyini isə, bu ilin 21 Fevral tarixində tanıyıb.
Eyni zamanda, Ukraynada Rusiya seperatçıları tərəfindən ələ keçirilən Donetsk və Luqansk qondarma xalq respublikaları ilə Rusiyanın ələ keçirdiyi Xerson və Zaporojya bölgələrində Rusiyaya qatılmaq üçün 23-27 Sentyabr tarixi aralığında referendumlar keçirilib.
Busaat.az
