Putin: "Zəlzələdən, meşə yanğınlarından sonra Türkiyəyə ilk əl uzadan Rusiya oldu"

“Ölkədə dağıdıcı zəlzələ baş verəndə və meşə yanğınları tüğyan edəndə Rusiya Türkiyəyə biganə qalmayan və yardım təklif edən ilk ölkərdən biri oldu”.

Busaat.az-ın TASS-a istinadən məlumatına görə, bu fikri Rusiya prezidenti Vladimir Putin türkiyəli həmkarı Rəcəb Tayyib Ərdoğanla danışıqlar zamanı deyib.

“Yanğınsöndürməni qeyd etdiniz. Demək istəyirəm ki, türk xalqının üzləşdiyi dəhşətli zəlzələdən sonra biz türk millətinə ilk əl uzadıb, zərərçəkmiş sadə insanlara kömək etmişik”, – o bildirib.

“Bütün bunlar Rusiya-Türkiyə münasibətlərinin yaxşı xarakterinə, onların yüksək səviyyəsinə sübutdur və bu, bizim qarşılıqlı fəaliyyətimizin bütün sahələrinə sirayət edir”, – Putin vurğulayıb.