Putindən Qərbə İTTİHAM: “Ukraynanı intihara sövq edirlər”

image-putinbackend

Qərb Ukraynanı “intihara” sövq edir və Ukraynanı münaqişə mövzusunda aldadır.

Busaat.az xəbər verir ki, bunu Rusiya prezidenti Vladimir Putin deyib.

Vladimir Putin bildirib ki, Qərb “nə vasitə ilə olursa olsun öz hökmranlığını qoruyub saxlamağa” çalışır və Ukrayna xalqı da bu ambisiyaların qurbanıdır.

“Biz bu gün Ukraynada bu cür hərəkətlərin dəhşətli nəticələrini görə bilərik. Qərb illərdir ki, Ukraynanın resurslarını həyasızcasına mənimsəyib və istismar edib, Donbasda soyqırımı və terroru qızışdırıb, bu ölkəni faktiki müstəmləkəyə çevirib, indi isə Ukrayna xalqını Rusiyaya qarşı radikal addımlara sövq edir. Ukraynanı silah və sursatla təmin etməkdə davam edir, muzdlular göndərir və onu intihar yoluna sövq edir” – deyə, Putin qeyd edib.

“Müasir təhdidlərin xarakteri və miqyası bizim müdafiə institutları ilə qarşılıqlı fəaliyyətimizə daha böyük tələblər yaradıb. Mövcud çağırışlara uyğun olan daha çevik və dayanıqlı təhlükəsizlik və əməkdaşlıq sistemi yaratmaq üçün birgə işləmək lazımdır və bu sistemdə bəzi təhdidlər üstünlük təşkil edir” – deyə, Rusiya prezidenti əlavə edib.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90