Kremlin sözçüsü Peskov ABŞ-ni Kremlə edilən PUA hücumlarına görə günahlandırıb.
Busaat.az xəbər verir ki, Peskov deyib:
“Biz bilirik ki, bu cür terror aktları ilə bağlı qərarlar Kiyevdə deyil, Vaşinqtonda verilir. Kiyev ona deyildiyi kimi edir”.
Peskov paytaxt Moskvada jurnalistlərə Ukraynaya məxsus PUA-ların Kremlə hücumu ilə bağlı açıqlama verib. Bəzi ABŞ və Ukrayna rəsmilərinin hücumların “saxta” ola biləcəyi ilə bağlı açıqlamalarına reaksiya verən Peskov qeyd edib: “ABŞ və Ukraynada bu hücumu inkar etmək cəhdləri son dərəcə gülüncdür”.
Hücumla bağlı ətraflı planlamanın ABŞ tərəfindən Ukraynaya çatdırıldığını müdafiə edən Peskov əlavə edib: “Kiyev hücum vasitələrini seçməkdə həmişə sərbəst deyil. Bu adətən okeanın o tayından müəyyən edilir. Biz bu vəziyyəti yaxşı bilirik”.
Busaat.az
