Putinin masajçısı Rusiyadan “çox məxfi sirr”lə qaçıb

Rusiya lideri Vladimir Putinin xüsusi masajçısı, Kremlin bir çox sirlərini bildiyini düşünülən Konstantin Qoloşçapov Rusiyadan qaçıb.

Busaat.az xəbər verir ki, bu barədə Britaniya mətbuatı yazıb.

Məlumata görə, Putinə ən yaxın adlardan biri, onun “xüsusi masajçı” Konstantin Qoloşçapov Belarusa qaçıb.

Bildirilib ki, Putin və Rusiyanın bəzi şəxsi sirlərini bildiyi güman edilən Qoloşçapov iyul ayında oğlunun maşını ilə ölkədən qaçıb, 4 gün sonra isə onun 29 yaşlı oğlu “müəmmalı səbəblərdən” ölü tapılıb.

Gizli şəkildə qaçması gündəmdə olan 67 yaşlı Qoloşçapovun ölkəni tərk etməsindən sonra Rusiya hakimiyyəti Qoloşçapovun investisiya şirkətləri və su və elektrik şirkətlərindəki səhmləri ilə bağlı hərtərəfli araşdırmaya başlayıb. Mənbələr deyir ki, şirkətlərinə mənimsəmə ittihamı ilə basqın ediləcəyindən qorxan Qoloşçapovun Belarusa getdiyi güman edilir.

Rusiya mətbuatına danışan mənbələr qaçışı yenicə üzə çıxan Qoloşçapovun Putinin ən şəxsi sirlərini bilən azsaylı insanlardan biri olduğuna diqqət çəkib.

Putin kimi idman ilə maraqlanan Qoloşçapov, Rusiya liderinin ən yaxın dostlarından olub. Qoloşçapovun bir müddət Putinin bel ağrısını müalicə etməyə də kömək etdiyi bildirilib.

Qeyd edək ki, 9 aya yaxındır geridə qalan Ukraynanın işğalı Rusiya daxilində bir çox etirazlara səbəb olub və prezident Vladimir Putinə yaxın bəzi insanlar ölkədən qaçmağa davam edir.