Putinin müharibədə təyin etdiyi rus komandiri evində ÖLÜ TAPILDI
Ukrayna Rusiya prezidenti Vladimir Putin tərəfindən Ukraynadakı əməliyyatlarda yüksək posta xüsusilə təyin edilən rus polkovnik-leytenantı Dmitri Lissitskinin evində öldürüldüyünü bildirib.
Busaat.az xarici mediaya istinadən xəbər verir ki, müharibədə fəal rol oynayan Rusiya ordusunun 247-ci Hava Hücum Alayının 2-ci batalyon komandiri polkovnik-leytenant Dmitri Lissitskinin Rusiyanın Stavropol şəhərindəki evində ölü tapıldığı açıqlanıb.
Ukrayna kəşfiyyatı tərəfindən öldürüldüyü bildirilən Lissitskinin ölümü ilə bağlı əlavə məlumat verilməsə də, Rusiya mənbələri də komandirin ölümünü təsdiqləyib.
Rusiya xəbər agentliklərinin öz mənbələrinə istinadən verdiyi xəbərə görə, 2015-ci ildə Rusiya prezidenti Vladimir Putin tərəfindən Rusiya Federasiyası Qəhrəmanı adını alan Dmitri Lissitski Ukraynadakı əməliyyatlarda da xüsusi seçilib.
Lissitskinin məzun olduğu Stavropol Dövlət Aqrar Universitetinin rektoru vəzifəsini icra edən Vladimir Sitnikov bu məlumatı təsdiqləyib və Lissitski üçün başsağlığı verib.
Rusiya Müdafiə Nazirliyi hələlik Lissitskinin ölümü ilə bağlı açıqlama verməyib.
Busaat.az
