Putinin Qara dənizdə gizli bunkeri aşkarlandı - FOTO

Rusiya və Ukrayna arasında müharibə davam edərkən, Rusiya prezidenti Putinin Qara dəniz sahilindəki dəbdəbəli iqamətgahına bağlı gizli bunkerin görüntüləri ortaya çıxıb.

Busaat.az xəbər verir ki, ABŞ-nin aparıcı media qurumlarından olan “Business Insider” milyard dollarlıq yaşayış kompleksinin təfərrüatlarını paylaşıb.

Rusiyalı müxaliflərin paylaşımlarını dərc edən ABŞ mediası Putinin dəbdəbəli iqamətgahında qəlyan salonu, şərab zirzəmisi, kilsə, buz meydançası və helikopter meydançasının olduğunu bildirib.

Putinin iqamətgahındakı gizli bunkerin təfərrüatlarını və planlarını rusiyalı müxaliflər bölüşüblər. Yayımlanan sənədlərdə lüks iqamətgahın altında gizli liftin olduğu və 50 metr aşağı enərək Qara dəniz sahilinə çıxışı təmin etdiyi görünür.

Bir müddət Rusiyada xidmətdə olan podratçı şirkət Metro Style-nin məlumatlarını paylaşan Business Insider deyir: “Memarlıq təsvirlərinə görə, tunellər çox qalın betondan hazırlanıb və təmiz su və təmiz hava təmin edilib. Bunkerdə qalanlar günlərlə, hətta aylarla sağ qala bilərlər”.

Çizimləri nəzərdən keçirən struktur mühəndisi Thaddeus Gabryszewski qeyd edib: “Bu tunellərdə prioritet təhlükəsizlikdir. Yanğından qorunma sistemi var. Su və kanalizasiya sistemi var. Bu, insanın yaşaması üçün lazımdır”.

Xəritə və çertyojlarda tunellərin uzunluğunun 40-60 metr olduğu bildirilərkən, eninin 6 metr olduğu da qeyd olunub.

Busaat.az