Putinin səhhəti ilə bağlı heyrətamiz iddia: Onu əvəz edəcək şəxslərin adı çəkildi
Rusiyanın Ukraynaya təcavüzü ilə başlayan müharibə 10 aydan artıqdır davam edərkən, rusiyalı siyasi şərhçi və tarixçi Valeri Soloveydən diqqətçəkən bir iddia gəlib.
Busaat.az xəbər verir ki, son zamanlar Rusiya prezidenti Vladimir Putinin səhhətinin vəziyyəti ilə bağlı müxtəlif açıqlamalar geniş yayılıb.
Rusiyalı politoloq və tarixçi Valeri Solovey Putinin səhhəti ilə bağlı bəzi açıqlamalar verib. Solovey Putinin səhhətinin pis olduğunu iddia edib.
2023-cü ilin Putinin vəzifədə qalacağı son il ola biləcəyini ifadə edən Solovey qeyd edib: “Putin müharibəni davam etdirmək üçün Qərbin xərçəng dərmanları və müalicələri ilə həyata yapışır. Amma heç bir dərman sonsuza qədər uğur gətirməyəcək”.
Rusiyalı ekspert Putinin xərçəng xəstəliyindən müalicə olunduğunu iddia edib və onun müalicəsinin uğurla həyata keçirildiyini deyib: “Putin ən qabaqcıl müalicə üsullarından istifadə edir, Rusiya bu müalicə üsullarını təmin edə bilməz. Bu müalicə üsulları çox uğurlu olub”.
Solovey Putini əvəzləyəcək adları da müəyyənləşdirdiyini iddia edib. Solovey iddia edir ki, Putinin varisi kimi yerinə gətirməyi planlaşdırdığı şəxslərdən biri də kənd təsərrüfatı naziri vəzifəsini icra edən 45 yaşlı Dmitri Patruşevdir. Rusiya kəşfiyyat idarəsinin keçmiş rəhbəri Nikolay Patruşevin oğlu, həm də anti-Qərb fikirləri ilə tanınan Dmitri Patruşevin ictimaiyyət tərəfindən o qədər də tanınmadığı vurğulanıb.
Moskvanın nüfuzlu qurumlarından biri olan Beynəlxalq Münasibətlər İnstitutunun keçmiş professoru Solovey bildirib ki, digər namizəd 50 yaşlı Aleksey Dyumindir. Putinin keçmiş cangüdəni olan Dyumin daha sonra müdafiə nazirinin müavini postunu tutub. Dyumin Tula vilayətinin qubernatoru vəzifəsini icra edir.
Busaat.az
