Şimali Koreya Cənubi Koreya və ABŞ ittifaqına qarşı nüvə silahından istifadə edərsə, bu, onun sonu olacaq.
Busaat.az xəbər verir ki, bu barədə Cənubi Koreyanın Müdafiə Nazirliyi məlumat yayıb.
“Şimali Koreyanın Cənubi Koreya-ABŞ müttəfiqliyinə qarşı hər hansı nüvə hücumu olacağı təqdirdə, o, ittifaqın dərhal, böyük və qətiyyətli cavabı ilə üzləşəcək və bununla da Şimali Koreya rejiminin sonu ilə nəticələnəcəyi ilə bağlı bir daha şiddətlə xəbərdarlıq edirik”, – məlumatda deyilir.
Xəbərdarlıq Şimali Koreyanın müdafiə naziri Kanq Sun-namın iyulun 20-də verdiyi bəyanatdan sonra edilib.
Qeyd edək ki, ABŞ prezidenti Co Bayden və Cənubi Koreyalı həmkarı aprel ayında Vaşinqton Bəyannaməsini qəbul edib və bu bəyannamədə çəkindirmə imkanlarını nümayiş etdirmək üçün addımlar müəyyən edilib. Bunlara ABŞ-nin nüvə ballistik raket sualtı qayıqlarının, təyyarədaşıyıcılarının və bombardmançılarının Cənubi Koreyaya müntəzəm səfərləri daxildir.
Busaat.az
