Qarabağ Universitetinin Bakıda filialı yaradılacaq? - Nazirdən AÇIQLAMA
“2025-2027-ci illər ərzində Xankəndi, Şuşa və Xocalıda Qarabağ Universitetinin filiallarının yaradılması nəzərdə tutulur”.
Busaat.az xəbər verir ki, bunujurnalistlərə açıqlamasında elm və təhsil naziri Emin Əmrullayev deyib.
Nazir Xankəndidə işlərin davam etdiyini bildirib.
“Musiqi və incəsənət, turizm fakültəsinin burada olması, həmçinin Şuşada turizm fakültəsinin, Xocalıda isə kənd təsərrüfatı fakültəsinin yaradılması planlaşdırılır. Qarabağ Universitetinin Bakı şəhərində filialının yaradılması isə hələ ki nəzərdə tutulmur”, – deyə Emin Əmrullayev qeyd edib.
