Avstriyada yük maşını ilə qatarın toqquşması nəticəsində azı dörd nəfər yaralanıb.
Busaat.az Report.az-a istinadən xəbər verir ki, hadisə Veyz rayonunda mühafizə olunmayan dəmiryol keçidində qeydə alınıb.
Məlumata görə, xəsarət alanlardan biri – yük maşınının sürücüsünün durumu ağırdır. Azı üç sərnişin isə yüngül xəsarət alıb.
Qeyd olunub ki, hadisə nəticəsində yük maşını tamamilə yanıb. Əraziyə 70-dən çox yanğınsöndürən cəlb olunub.
Hadisədən sonra qatarların hərəkəti müvəqqəti olaraq dayandırılıb.
Faktla bağlı araşdırma aparılır.
