Qazaxıstan bu həftə arktik soyuqdan təsirlənəcək

Qazaxıstanda arktik antisiklonla əlaqədar bu həftə bütün ölkə ərazisində soyuq havalar təsirli olacaq.

Busaat.az xəbər verir ki, Qazaxıstan Milli Meteorologiya Mərkəzinin (Kazgidromet) verdiyi açıqlamada ölkədə təsirli olan arktika antisiklonunun şimal əyalətlərindən cənub bölgəsinə doğru irəlilədiyi bildirilib.

Açıqlamada bu həftə havanın temperaturunun ölkənin şərq və şimal əyalətlərində 40 dərəcə şaxta, cənub və qərb bölgələrində isə 30-35 dərəcə şaxtaya enəcəyi xəbərdarlığı edilib.

Ölkədə həyata mənfi təsir göstərən həddindən artıq soyuq hava səbəbindən paytaxt Astana da daxil olmaqla bir çox bölgələrdə məktəblər distant təhsilə keçir, hava limanlarında uçuşlar gecikir.

Qazaxıstan Daxili İşlər Nazirliyi bildirib ki, pis hava şəraiti ilə əlaqədar dizel yanacağı ilə işləyən avtomobillər və sərnişin avtobusları ilə uzun məsafələrə gediş-gəliş müvəqqəti qadağandır.

Busaat.az