Yüzlərlə insan Qazaxıstanın cənub-qərbindəki Manqistau vilayətinin Janaozen şəhərinin mərkəzi meydanına toplaşaraq Astanada saxlanılan həmvətənlərinin azad edilməsini tələb edib.
Busaat.az xəbər verir ki, bu barədə məlumatı Orda xəbər portalı yayıb.
“Videolara görə, insanlar evə getməyə hazırlaşmır. Əksinə, getdikcə daha çox insan mərkəzi meydana gəlir. Yerli fəallar orada 1000-2000 nəfərin olduğunu deyirlər. Hələlik polisdən məlumat yoxdur”, – portal yazır.
Qeyd edək ki, dünən günün əvvəlində Janaozendən olan neft-mədən şirkətinin bir neçə əməkdaşı ölkənin Energetika Nazirliyinin binası qarşısında təxminən 24 saat aksiya keçirib. Bundan sonra onlar icazəsiz mitinq keçirdikləri üçün Astanada saxlanılıb, inzibati məsuliyyətə cəlb ediliblər. Məhz bu səbəbdən sözügedən şəhərdə həmin şəxslərin azad olunması üçün etirazlar təşkil edilib.
Busaat.az
