Busaat.az xəbər verir ki, Qazaxıstanda baş nazir Əlihan İsmayılovun rəhbərlik etdiyi hökumətdə dəyişiklik olub.
Belə ki, ölkə prezidenti Kasım Cömert Tokayevin fərmanı ilə bəzi nazirliklərə yeni nazirlər təyin olunarkən, eyni vaxtda 5 yeni nazirlik yaradılıb.
Yercan Saparbekov Daxili İşlər Nazirliyinə, Aydarbek Saparov Kənd Təsərrüfatı Nazirliyinə, Svetlana Jakupova Əmək və Əhalinin Sosial Müdafiəsi Nazirliyinə, Arman Şakkaliyev Ticarət və İnteqrasiya Nazirliyinə, Yerlan Nisanbayev Ekologiya və Təbii Sərvətlər Nazirliyinə təyin edilib.
Marat Karabayev yeni yaradılan Nəqliyyat Nazirliyinə, Aida Balayeva Mədəniyyət və İnformasiya Nazirliyinə, Kanat Şarlapayev Sənaye və Tikinti Nazirliyinə, Nurcan Nurcigitov Su Təsərrüfatı və Suvarma Nazirliyinə, Yermek Marjikpayev Turizm və İdman nazirliyinə rəhbər gətirilib.
Bundan əlavə, prezident Tokayev paytaxt Astana və Almatıdan sonra ölkənin ən böyük şəhərləri olan Şımkent və Aktobeyə yeni qubernatorlar təyin edib.
