Qazpromla bağlı Özbəkistan İDDİASI: Qaz nəqli Rusiyaya həvalə edilir?

Rusiya Özbəkistana ölkədəki qaz nəqli sistemini “Qazprom”a həvalı etməyi təklif edib.

Busaat.az xəbər verir ki, bu barədə Özbəkistan mətbuatı iddia edib.

Özbək dilində yayımlanan Gazeta.uz nəşrinin xəbərinə görə, Rusiya ötən noyabr ayında Qazaxıstan və Özbəkistanla Üçtərəfli Qaz İttifaqının yaradılması təklifini irəli sürüb. Bundan sonra Rusiya və Özbəkistan tərəfləri bir neçə dəfə görüşüb və ikitərəfli danışıqlar aparılıb.

Xəbərdə Rusiya tərəfi Rusiya qazını Qazaxıstan ərazisindən keçən “Mərkəzi Asiya-Mərkəz” təbii qaz kəməri ilə Özbəkistana tədarük etməyi təklif edib, bunun müqabilində Rusiyanın Özbəkistandan bu ölkənin qaz nəqli sisteminin və Özbəkistan qazının Çinə ixrac hüquqlarının “Qazprom”a verilməsini istəyib.

Məqalədə qeyd olunub ki, Rusiya tərəfinin əsas şərti Özbəkistanın qaz nəqli sistemini bazar qiymətinə “Qazprom”un mülkiyyətinə keçirmək olduğu iddia edilib. Analoji tələb Qazaxıstanın qaz nəqli şirkəti olan “Kazakqaz”a da təklif edilib, lakin Qazaxıstan şirkəti bu şərtləri qəbul etməyib.

Rusiya tərəfinin irəli sürdüyü ikinci şərt Özbəkistanın qaz ixracı hüququnun Çinə verilməsidir.

Soyuq havalardan sonra daxili istehlakın artdığı Özbəkistanda təbii qaz problemi yaranıb. 2022-ci ilin noyabrında Rusiya tərəfi Özbəkistan və Qazaxıstana təkliflə çıxış edərək Özbəkistan tərəfinə təbii qaz tədarükünü də əhatə edən Üçtərəfli Qaz İttifaqının yaradılmasını təklif edib.

Bunun üzərinə Özbəkistanın energetika naziri Corabek Mirzamahmudov Rusiyadan Özbəkistana təbii qazın ittifaq şəklində deyil, birbaşa ikitərəfli kommersiya razılaşmaları əsasında həyata keçirilə biləcəyini açıqlayıb.

Busaat.az