Qərb sazişlərin Rusiya hissəsinin icrasını sabotaj etdiyi üçün Rusiya taxıl sazişinin işləmədiyini bəyan etməlidir.
Busaat.az xəbər verir ki, bu barədə Rusiya Xarici İşlər Nazirliyinin verdiyi bəyanatda deyilir.
“Biz bildirmək istəyirik ki, Quterreşin təklif etdiyi və 2022-ci il iyulun 22-də İstanbulda imzalanmış sazişlər paketi işə yaramır. Aydındır ki, ABŞ-lilər və avropalılar nə ehtiyacı olan ölkələrin ehtiyaclarını, nə də uzun müddət məqsədlərinə xidmət etmək üçün itaətkar alətə çevirməyə çalışdıqları BMT-nin səylərini vecinə alırlar”, – deyə nazirliyin bəyanatında bildirilib.
“Ərzaq kartı ilə oynamağı dayandırmağın vaxtıdır. Ukraynadan gələn taxıl Aİ-yə gedir, yoxsul ölkələrə yox”, – nazirlik əlavə edib.
“Rusiyanın kənd təsərrüfatı məhsullarının ixracı üçün açıq şəkildə əngəllər yaradılır. Qərb BMT baş katibinin humanitar “paketini” həyasızcasına basdırır”, – məlumatda bildirilir.
“Kiyev sırf siyasi motivlərlə Togliattidən Odessaya ammonyak boru kəmərinin işinin bərpasını əngəlləməkdə davam edir”, – deyə nazirlik bildirib.
Nazirlik, həmçinin Rusiyanın yoxsul ölkələrə bağışlamaq istədiyi 262 min ton gübrənin Latviya, Litva, Estoniya və Hollandiya limanlarda qapalı vəziyyətdə qaldığını xatırladıb.
Busaat.az
