Macarıstanın baş naziri Viktor Orban Vladimir Putinin arqumentlərini başa düşdüyünü, lakin onun Ukrayna ilə bağlı hərəkətlərini rədd etdiyini bildirib.
Busaat.az xəbər verir ki, o, bu barədə İsveçrənin “Die Weltwoche” qəzetinə verdiyi müsahibəsində deyib.
Nazir bildirib ki, Qərb Rusiya ilə dinc yanaşı yaşamağın yolunu tapmalıdır.
Orban 2022-ci ilin fevralında Putinlə görüşdə NATO-nun genişləndirilməsi də daxil olmaqla beynəlxalq təhlükəsizlik məsələlərini müzakirə etdiyini xatıeladıb. Onun sözlərinə görə, Putin o vaxt ona “Macarıstanın NATO-ya üzvlüyündə problem olmadığını bildirib”.
“Putinin əsas problemi Rumıniya və Polşada yaradılmış ABŞ-ın raket bazaları, həmçinin NATO-nun Ukrayna və Gürcüstana potensial genişlənməsi, sonradan orada silahların yerləşdirilməsidir. Bundan əlavə, amerikalılar tərksilahla bağlı mühüm müqavilələri ləğv etdilər. “Mən Putinin dediklərini yaxşı başa düşürəm, lakin onun Ukraynada etdiklərini rədd edirəm”, – deyə əlavə edib.
Busaat.az
