Qərb yeni müharibəyə hazırlaşır - Lavrov

Qərb dünyadakı hökmranlığını qorumaq üçün yeni müharibə hazırlıqları görür.

Busaat.az xəbər verir ki, bunu Rusiyanın xarici işlər naziri Sergey Lavrov Birləşmiş Millətlər Təşkilatının Təhlükəsizlik Şurasının (BMT TŞ) iclasından sonra verdiyi açıqlamada deyib.

Birləşmiş Millətlər Təşkilatı Təhlükəsizlik Şurasının (BMT TŞ) ABŞ-nin Nyu-York şəhərində keçirilən sessiyasına sədrlik edən Rusiyanın xarici işlər naziri Sergey Lavrov sessiyadan sonra mətbuat konfransı keçirib.

Bir çox məsələlərə, xüsusilə ABŞ, NATO, Avropa və Yaxın Şərqdəki proseslərə toxunan Lavrov ABŞ və müttəfiqlərinin birqütblü dünya nizamını qorumaq məqsədi daşıdığını müdafiə edib.

Qərb tərəfindən dünyanın müxtəlif yerlərində yeni müharibələrin başladıla biləcəyini vurğulayan Lavrov bildirib: “Dünyada hökmranlığı qoruyub saxlamaq üçün yeni bir müharibə raunduna hazırlıq görülür. Çoxqütblü dünya nizamı obyektiv şəkildə formalaşır”.

Lavrov qeyd edib ki, Qərb yalan danışmağa davam edir və dünya artıq bunun fərqindədir.

Busaat.az