Qərb “Zelenski düsturu”nu irəli sürməklə digər təşəbbüsləri aşağı salır – Rusiya XİN

Ukrayna prezidenti Vladimir Zelenskinin “sülh formulunu” təbliğ etməklə Kiyev və Qərb digər ölkələrin təşəbbüslərini aşağı salmağa çalışırlar.

Busaat.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova bildirib.

“Kiyev rejimi və Qərb Zelenskinin “düsturunu” təbliğ etməklə digər ölkələrin irəli sürdüyü təşəbbüslərin əhəmiyyətini azaltmağa və onları təqdim etmək hüququnu inhisara almağa çalışır”, – o, deyib.

Zaxarovanın fikrincə, “Zelenskinin formulu” Rusiya üçün mənasız ultimatumdur.

“Onun on bəndinin heç biri böhranın danışıqlar və diplomatik səylər yolu ilə həllini tapmağa hesablanmayıb, halbuki bunların hamısı birlikdə Rusiyaya hərbi fəaliyyəti uzatmağa yönəlmiş mənasız ultimatum təşkil edir. Məsələni bu cür həll etmək mümkün deyil”, – Zaxarova qeyd edib.

Busaat.az