Qərbin Kiyevə tank tədarükü münaqişənin həllinə gətirib çıxarmayacaq - Ərdoğan

Qərbin Kiyevə silah, o cümlədən tank tədarükü Ukrayna münaqişəsinin həllinə gətirib çıxarmayacaq.

Busaat.az TASS-a istinadən xəbər verir ki, bu barədə Türkiyə prezidenti Rəcəb Tayyib Ərdoğan TRT kanalına müsahibəsində deyib.

“Tankların göndərilməsinin Ukrayna münaqişəsinin həlli istiqamətində bir addım olduğuna inanmıram. Biz Qərb ölkələrinin Ukrayna və Rusiya arasında danışıqlara dair çağırışlarımızı dəstəkləyəcəyini gözləyirik”, – Ərdoğan deyib.

Kiyevə silah tədarükünün artırılmasına toxunan Ərdoğan “bu riskli addımın xüsusilə silah baronları üçün sərfəli olduğunu” bildirib.

Buna baxmayaraq, NATO-nun baş katibi Yens Stoltenberq bildirib ki, Ukraynaya silah tədarükü gələcəkdə “sülh yolu ilə həll” üçün şərait yarada bilər.

Busaat.az