Qərbin Ukraynaya hərbi yardımı təxminən Rusiyanın 2022-ci il müdafiə büdcəsinə bərabərdir

Ukrayna Rusiyanın hərbi əməliyyatı başlayandan bəri Qərbdən təxminən 48,5 milyard dollar hərbi yardım alıb ki, bu da praktiki olaraq Rusiyanın 2022-ci il müdafiə büdcəsinə bərabərdir.

Busaat.az xəbər verir ki, bu barədə statistika TASS-ın hesablamalarında yer alıb.

Qərbin Ukraynaya hərbi yardımı keçən il 51,1 milyard dollar olan Rusiyanın müdafiə xərclərinin təxminən 95%-ni təşkil edir.

Donor ölkələrin rəsmi açıqlamalarına və KİV-in məlumatına görə, Rusiyanın əməliyyatı başlayandan bəri Kiyev hökumətinin qərb ölkələrindən və beynəlxalq təşkilatlardan aldığı yardımın ümumi məbləği Ukraynada 150,8 milyard dollardan çox qiymətləndirilir.

Rusiya prezidenti Vladimir Putin daha əvvəl qeyd edib: “Hazırda NATO-nun bütün əsas üzvlərinin hərbi potensialı və imkanları Rusiyaya qarşı fəal şəkildə istifadə olunur”.

Rusiyanın müdafiə naziri Sergey Şoyqu bildirib ki, Rusiya Ukraynada Kiyev qüvvələrinə qarşı deyil, bütün “kollektiv Qərb”ə qarşı döyüşür.

Busaat.az