Qətər Avropanın enerji təhlükəsizliyindən danışıb: "Sıfır rus qazı ssenarisi..."
Ukrayna müharibəsinin və Rusiyaya qarşı tətbiq edilən məhdudiyyətlərin davam etməsi, Rusiyadan qaz nəqlində problemlərin yaşanması halında mövcud çətin vəziyyət 2025-ci ilə qədər davam edə bilər.
Busaat.az xəbər verir ki, bu barədə Qətər Energetika naziri Saad al-Kaabi məlumat verib.
Kaabi Avropanın bu qış elektrik və istilik təminatını qarşılamaq üçün yetərli qaza sahib olması gərəkdiyini elan edərək, ehtiyatların tükəndiyinə diqqət çəkib. O, 2023-cü ilin daha çətin olacağı mövzusunda xəbərdarlıq edib.
“Rusiya qazı müharibədən öncəki şəkildə axmağa başlamazsa, enerji böhranı 2025-ci ilə qədər uzana bilər. Hazırda anbarların dolu olması problem deyil. Önümüzdəki il üçün ehtiyatlar və anbarları yeniləmək problem olacaq. Gələcək il və sonrakı il, hətta 2025-ci ilə qədər problem davam edə bilər. Avropada “sıfır Rusiya qazı” ssenarisi ilə bir gələcək təsəvvür edilə bilməz” –deyə, Kaabi bildirib.
Qeyd edək ki, Kaabinin açıqlamasından sonra Rusiya prezidenti Vladimir Putinin Avropa üçün Türkiyədə təbii qaz mərkəzi qura biləcəyi istiqamətindəki sözləri daha önəmli hal alıb.
Busaat.az
