Qəzzada itkilərin sayı hər dəqiqə artır – Ərdoğan
Yaxın Şərqdə münaqişə kəskinləşir və Qəzza zolağında dinc sakinlər arasında getdikcə daha çox itkiyə səbəb olur.
Busaat.az xəbər verir ki, bunu Türkiyə prezidenti Rəcəb Tayyib Ərdoğan rusiyalı həmkarı Vladimir Putinlə telefon danışığı zamanı deyib.
“Fələstin ərazilərinə qarşı qəddarlıq daha da pisləşir və dinc sakinlər arasında itkilərin sayı hər dəqiqə artır. Türkiyə bölgədə əmin-amanlığın təmin edilməsi üçün səylərini davam etdirəcək”, – Ərdoğan bildirib.
Qeyd edək ki, Qəzza zolağından HƏMAS yaraqlılarının İsrail ərazisinə hücumundan sonra Yaxın Şərqdə gərginlik alovlanıb. HƏMAS bu hücumu İsrailin Əl-Əqsa məscidinə qarşı addımlarına cavab kimi qiymətləndirir.
Pəri Əlizadə,
Busaat.az
