
Sakaryada qida zəhərlənməsi: 60 nəfər xəstəxanaya müraciət edib
Sakaryada sünnət toyunda kütləvi zəhərlənmə baş verib.
Busaat.az-ın əldə etdiyi məlumata görə, Sakaryanın Adapazarı rayonundakı Rüstəmlər Məhəlləsində məclisdən sonra mədə ağrısı, ishal və başgicəllənmə şikayətləri ilə 60 nəfər xəstəxanaya müraciət edib.
Qida zəhərlənməsi şübhəsi ilə Sakarya Təhsil və Araşdırma Xəstəxanası, Qadın Xəstəlikləri və Uşaq Xəstəlikləri Xəstəxanası və Yenikənd Dövlət Xəstəxanasında müalicə alanlardan bəziləri evə buraxılıb.
Müalicələrini davam etdirən şəxslərin sağlamlıq durumlarının yaxşı olduğu öyrənilib.























