Qırğızıstan-Tacikistan sərhədindəki münaqişədə ölənlərin sayı 59-a çatıb

 Sentyabrın 16-da Qırğızıstan-Tacikistan milli qvardiya bölmələri arasında baş verən qarşıdurmada Qırğızıstan tərəfinin itkilərinin sayı 59-a çatıb.

Busaat.az xəbər verir ki, bu barədə Qırğızıstan Səhiyyə Nazirliyi açıqlama yayıb. Açıqlamada bildirilib ki, son gün ərzində daha 13 şəxsin cəsədləri aşkar edilib və beləliklə itkilərin sayı 59-a yüksəlib.

Məlumatda həmçinin qeyd edilib ki, Qırğızıstan tərəfinin 144 yaralısı var. Onlardan 102-sinin müalicəsi Bişkek və Oş şəhər xəstəxanalarında davam etdirilir. Bundan əvvəl isə, Tacikistan Xarici İşlər Nazirliyi sərhəddəki münaqişə nəticəsində 25 mülki şəxsin öldüyünü açıqlayıb.

Busaat.az