Qırğızıstan və Tacikistan sərhəddə vəziyyəti gərginləşdirməmək barədə razılaşdılar

Qırğızıstan və Tacikistan gərginliyin kəskinləşməsinin qarşısını almaq üçün sərhəddə təxribatlara qarşı addımlar atmağa razılaşıblar.

Busaat.az xəbər verir ki, bu barədə məlumatı Qırğızıstanın sərhəd xidməti yayıb.

Xidmətin məlumatına görə, razılıq Qırğızıstan Milli Təhlükəsizlik Dövlət Komitəsinin Sərhəd Xidmətinin rəisi Ularbek SDharşeyevlə Tacikistan Milli Təhlükəsizlik Komitəsinin Sərhəd Qoşunlarının komandanı Radjbali Raxmonali arasında aparılan danışıqlar nəticəsində əldə olunub.

“Danışıqlar nəticəsində aşağıdakı qərarlar qəbul edilib: birgə işçi komissiyasının işini 2023-cü ilə qədər davam etdirmək, tərəflərin prokurorluq orqanlarını iki ölkə vətəndaşlarının əmlaklarının geri qaytarılması ilə bağlı işi sürətləndirməyə çağırmaq”.

“Sərhəd xidmətlərinin rəisləri Qırğızıstan və Tacikistanın sərhədyanı ərazilərində vəziyyətin sabitləşdirilməsinə dair mövcud protokolların icrası məsələlərini müzakirə ediblər. Bundan başqa, onlar sərhəddəki mövcud vəziyyətlə bağlı fikir mübadiləsi aparıblar və bu sahədə inkişaf istiqamətlərini müəyyənləşdiriblər” – deyə, məlumatda qeyd olunub.

Busaat.az