Qırğızıstanda "çevriliş cəhdi'" iddiaları: Saxlanılanlar var

Qırğızıstanda bir qruplaşmanın prezident Sadir Japarova qarşı dövlət çevrilişinə cəhd etdiyi iddia edilir.

Busaat.az xarici mediaya istinadən xəbər verir ki, Qırğızıstan Milli Təhlükəsizlik Komitəsinin dövlət çevrilişinə cəhddə iştirak etdiyi iddia edilən çoxlu sayda əsgər və bürokrata qarşı genişmiqyaslı əməliyyat başlatdığı bildirilib.

Yerli mənbələrin məlumatına görə, 100-dən çox əsgər və bürokratın saxlanıldığı iddia edilir.

Kremlin sözçüsü Dmitri Peskov Qırğızıstandakı çevriliş cəhdi ilə bağlı xəbərlərin çox narahat olduğunu və Kremlin bunu diqqətlə izlədiyini, lakin təfərrüatlara malik olmadığını bildirib.

“Hələlik təbii ki, çox narahatedici xəbərlər var. Ona görə də xəbərləri yaxından izləyirik. Daha ətraflı məlumatımız yoxdur”, – Peskov bildirib.

Bundan əvvəl kaktus.media xəbər agentliyi və bəzi digər KİV-lər Qırğızıstanın təhlükəsizlik qüvvələrinin dövlət çevrilişinə cəhdlə bağlı bir sıra şübhəli şəxsi saxladığını bildirib.

Busaat.az