
Qırmızı bülletenlə axtarılan İŞİD üzvü Türkiyədə saxlanıldı
Qırmızı bülletenlə axtarışda olan İŞİD üzvü Türkiyəyə qeyri-qanuni yollarla girməyə cəhd edərkən yaxalanıb.
Busaat.az xəbər verir ki, bu barədə Türkiyə Müdafiə Nazirliyi məlumat yayıb.
Məlumata görə, qırmızı bülletenlə axtarılan terrorçunun Suriya sərhədindən qeyri-qanuni yollarla Türkiyəyə daxil olmağa çalışdığı öyrənilib.
Sərhəd xəttində təqib edilən terrorçu Quru Qoşunları Komandanlığının sərhəd bölmələri və jandarm qüvvələrinin birgə təşkil etdiyi əməliyyatla yaxalanıb.
İstintaqda ələ keçirilən terrorçunun qırmızı bülletenlə İnterpol tərəfindən axtarışda olduğu müəyyən edilib.
Busaat.az























