ABŞ-ın raket sınaqlarına mane olması müharibə elanı sayılacaq.
Busaat.az xəbər verir ki, bu sözləri Şimali Koreya lideri Kim Çen İnin bacısı Kim Yo-jonq deyib.
O, ABŞ və Cənubi Koreyanın bütün hərbi fəaliyyətlərinin yaxından təqib edildiyini bildirib və Şimali Koreyanın qitələrarası ballistik raketlər atacağı təqdirdə ABŞ-ın dərhal müdaxilə edəcəyi barədə xəbərlərə cavab verib. Koreya yarımadasında birgə hərbi təlimlər keçirən ABŞ və Cənubi Koreyanın ölkələrinə qarşı istənilən cəhdinə “cavab verməyə” hazır olduqlarını qeyd edib.
Şimali Koreyanın raket sınaqlarının ABŞ-ın yurisdiksiyasından kənarda olduğunu vurğulayan Kim əlavə edib: “Qonşu ölkələrin təhlükəsizliyinə zərər vermədən açıq sularda və havada strateji silah sınaqlarımıza müdaxiləyə hərbi cavab veriləcək”.
Şimali Koreya Xarici İşlər Nazirliyinin məlumatına görə, yarımadada şiddətli qarşıdurma ola biləcəyi xəbərdarlığı edilib və ABŞ-ı Cənubi Koreya ilə keçirdiyi birgə hərbi təlimləri dayandırmağa çağırıb.
Busaat.az
