Roma Papası Ukrayna və Rusiyanı hücumu dayandırmağa çağırıb

Roma Papası Fransisk Ukrayna və Rusiyanı hücumdan əl çəkməyə çağırıb.

Busaat.az xəbər verir ki, bu sözləri RİA Novosti-yə Ümumdünya Köhnə Möminlər Birliyinin (WBU) sədri Leonid Sevastyanov pontifiklə son söhbətinin məzmununa istinadən bildirib.

O, danışıqların təşkili üçün öz nümayəndələrini Moskva və Kiyevə göndərməyə hazır olduğunu bildirib.

“Roma Papası Fransisk Ukrayna münaqişəsinin tərəflərini hücum cəhdlərindən əl çəkməyə və danışıqlar masası arxasına oturmağa çağırır. Tərəflərin istəkləri yalnız danışıqlar masası arxasında reallaşa bilər, döyüş meydanında isə mümkün deyil. Papa tərəflər istəsə, istənilən vaxt Kiyev və Moskvaya danışıqlar prosesinin başlanmasına kömək edəcək öz nümayəndələrini göndərməyə hazırdır”, – Sevastyanov bildirib.

Busaat.az