ABŞ dövlət katibi Marko Rubio Rusiya-Ukrayna müharibəsinin sülh yolu ilə həll olunması istiqamətində Avropa liderləri ilə danışıqlar aparıb.
“ Busaat.az ” xəbər verir ki, Rubio Fransa xarici işlər naziri Jan-Noel Barro, Almaniya xarici işlər naziri Yohan Vadeful, Polşa xarici işlər naziri Radoslav Sikorski, İngiltərə xarici işlər naziri David Lammi, Ukrayna xarici işlər naziri Andrii Sybiqa və Avropa İttifaqının xarici siyasət üzrə ali nümayəndəsi Kaya Kallas ilə danışıqlar aparıb.
Görüşlərdə atəşkəsə nail olunması və davamlı sülh prosesi üçün atıla biləcək addımlar müzakirə olunub.
Digər tərəfdən, Rusiya prezidenti Vladimir Putin mətbuata açıqlamasında mayın 15-də İstanbulda Ukrayna ilə sülh danışıqlarına yenidən başlamağı təklif edib. O, Türkiyə prezidenti Rəcəb Tayyib Ərdoğandan danışıqlar üçün platforma təmin etməsini istəyəcəyini bildirib.
Nərmin Səmidova
